Глава 35

Глава 35

О МОРУ НА ЛЮДИ

Ноября же от 17 дни явлься мор в людeх и протяжеся до пришествиа Давида Жеребцова. Образ же тоя болeзни в нужных1 осадах вeдом, юже нарекошя врачеве цынга. Тeсноты бо ради и недостатков сиа случаются, наипаче же от вод скверных, неимущих теплых зелий и корений поядающих ражающийся гной во утробах, и неимущих водок житных распухневаху от ног даже и до главы; и зубы тeм исторгахуся и смрад зловонен изо устну исхождаше; руцe же и нозe корчахуся, жилам сводимым внутрь и внe юду от язв кипящих; и теплиц неимущим в пособ сим телеса острупляхуся; и желудку необыкшу к нерастворению приатия затворяющуся, и непрестанен понос изнемогшим до конца и немогущим от мeста на мeсто преити, ни предвигнутися. И согниваху телеса их от кала измету и проядаше скверна даже до костей; и черви велицы гмизяху2. И не бe служащих у многих ни жажду утолити, ни алчющих накормити, ни гнойным струпом пластыря приложити, ни превратити на страну, ни червиа отмыти, ни отгнати скот стужающий, ни вон извести прохладитися, ни подъяти, еже бы мало посидeти, ни уста пропарити, ни лице ни руцe умыти, ни от очию праха оттерти. А иже еще воздвижущеи руцe, и тии уста и очи нечистотою оскверневаху и прежде смерти от стуку и от вeтр и от движений всяких мнози прахом посыпаны бышя. И не бe познавати тeх в вид зрака3. Имущеи же сребро или иныя вещи и отдааху на купование нуж потребных ястиа и питиа. И колико на потребу, толико и за службу; и со слезами моляще таковeх, но всякому до себе прииде, о прочих же не брежаху. И аще бы не истощили житниц дому чюдотворца и погребов не испразднили, то и вси бы измерли во второе лeто во осаде седяще.

И тогда бe не едина бeда и зло: внeюду – мечь, внутрь же юду – смерть. И не вeдуще же, что сотворити: или мертвых погребати, или стeн градских соблюдати; или с любовными своими разставатися, или со враги польма4 разсeкатися; или очи родителем цeловати, или своя зeницы на извертeние5 предаати. И неимущеи сродныя крове, и тии от стeн градных не исхождаху, но ту смерти от противных ожидаху, и един путь к смерти, глаголюще, отвсюду. И единeм токмо утeшающеся ко врагом храбрым ратоборством, и друг друга на смерть поощряху, глаголюще: «Се, господие и братие, не род ли нашь и друзи погребаются, но и нам по них тамо же ити. И аще не умрем нынe о правдe и о истиннe, и потом всяко умрем же без пользы и не Бога ради».

И таковeми всeми злыми обьяти бывше вси; и сперва убо по двадесяти и по тридесяти, и потом по пятидесяти и по сту умираху во един день; и умножися смерть в людeх, и друг от друга от духу умираху; и великий храм Пресвятыя Богородица честнаго и славнаго Ея Успениа по вся дни мертвых наполняшеся. От могил же исперва по рублю за выкоп емлюще, и потом по два и по три, та же и по четыре и по пяти дааху, но не бe кому уже приимати, ни копати; и во едину могилу и яму погребаху по десяти и по двадесяти, и двоицею сугубо, и вяще. И четыредесять дней бe мрак темен и смрад зол. И идeже изношаху мертвых, и за ними плачющихся сонмы хождаху, от утра и до вечера бяше погребение мертвым; и не бe покоя, ни сна, ни во дни, ни в нощи, не токмо больным, но и здравым. Овы убо над умирающими плачюще, ови же над износимыми, инии над погребаемыми, и множество полк, кождо гдe стояще, плакахуся. И от непокойна сна, аки шальны хождаху вси.

И преставишяся тогда братии старых во обители 297 братов, а новопостригшихся тогда боле 500. Чин же священнический до конца изнеможе от многаго труда больных и умерших и умирающых. И очи иереом отяготeни бысте, и держаще их силою над немощными. И тако вси иереи скончаша же ся, и мало от священнаго чина на возвeщение токмо осташяся. И воинствующых чин уже начят изнемогати. И мали нeцыи от смертнаго часа избавлени бышя, и многыя сироты, дeвы, и вдовицы, и отрочата осташяся; а ими же мощно всяко промысл строити, тии помрошя; не к пользe же кои, но на хлeб eдоки, осташася. И тии оздравливающеся в претыкание бяху великого грeха. И бe же тогда зол смрад, не токмо в келиах, но и по всему монастырю, и в службах и во святых церквах: ово от немощных человeк, ово же и от скот умирающых; всяко бо животно не призираемо, и растерзахуся междо собою. И водотечныя трубы дождя ради и грязи костьми животных даже доселe зарушишяся. И болe ста возов всяких порт изо обители извезше и в ров ввергше, дающе же от воза по полутора рубля, но мало взямлющих вший ради и червей и смрада ради злаго. И сиа вся внe обители с нужею извезше сожигаху. И всeх у Живоначальной Троицы во осаде померло старцов и ратных людей побито и померло своею смертью от осадные немощи слуг, и служебников, и стрелцов, и казаков, и пушкарей, и затинщиков6, и Галичан, и датошных и служних людей 2,125 человeк кромe женьска полу и недорослей и маломощных и старых.



Оглавление

Богослужения

29 марта 2024 г. (16 марта ст. ст.)

Частые вопросы

Интересные факты

Для святой воды и масел

Стекло, несмотря на свою хрупкость, один из наиболее долговечных материалов. Археологи знают об этом как никто другой — ведь в процессе полевых работ им доводится доставать из земли немало стеклянных находок, которые, невзирая на свой почтенный возраст, полностью сохранили функциональность.