Слово иже во Святых Отца нашего Епифания, Епископа Кипрскаго, на праздник Ваий

СЛОВО,

ИЖЕ ВО СВЯТЫХ ОТЦА НАШЕГО ЕПИФАНИЯ,
ЕПИСКОПА КИПРСКАГО, НА ПРАЗДНИК ВАИЙ

     Радуйся зeло дщи Сионя: услаждайся и радуйся вся церковь Божия. Се бо паки Царь к тебe приходит. Се твой Жених на жребяти сeдя грядет. Да изыдем в срeтение Его. Поспeшим видeть славу Его. Предварим свeтло почéсть вшествие Его. Паки Царь Сиона, языков чаяние в Сион приходит: паки миру спасение дарует: паки свeт открывается: паки заблуждение престает: паки процвeтает истинна: паки церковь ликовствует. Паки Синагога вдовствует: паки посрамляются демоны: паки клятва разрeшается: паки Евреи смущаются: паки змий сокрушается: паки языки веселятся: паки Сион украшается.

Христос на жребяти, яко на престолe сeдя грядет. Небеса радуйтеся: Ангелы воспойте: горы веселитеся: холмы возскачите: рeки восплескайте: сущии в Сионe возликовствуйте: церкви радуйтеся: священницы воспойте: Пророки предварите: ученики проповeдуйте: народы стрeчайте: старцы стекитеся: матери возликовствуйте: сосущие воспойте: юноши воззовите: языцы соберитеся. Вся тварь, вся природа, всякий чин, всякое дыхание, вся земля, всякое достоинство, всякий возраст, всякое начальство, всякое Царство, Царски Царя Царей срeтим. Владычески Владыкe Владык поклонимся. Богу Богов Божественнe воспоем: Жениху нетлeния, яко Божественному Жениху, лик составим: лампады свeтяся свeтло возжем: ризы душевныя боголeпно перемeним: жизненные пути добрe изготовим: входы душ Царю отворим: Ваия побeды, яко Побeдителю смерти, да понесем: сотрясая боголeпно вeтьви масличныя; произрасшей от Марии вeтьви: Ангельския пeсни Богу Ангелов воспоем: со отроками боголeпно воскликнем: с народом, мы народ, народным воплем возопием: осанна в вышних: благословен грядый во имя Господне: Бог Господь! и явися нам (Марк. гл. 11, ст. 9). Явися сущим во тмe и сeни смертнeй сeдящим нам: явися падших востание: явися плeнников избавление: явися слeпых прозрeние: явися плачущих утeха: явися трудящихся покой. Явися жаждущих отрада: явися обиженных защита: явися отчаянных освобождение: явися растроенных соединение: явися больных исцeление: явися обуреваемых тишина. Того ради и мы народ со множеством возопием, глаголюще: осанна! в вышних Бог! (Марк. гл. 11, ст. 9).

О новыя и странныя дeла и чудеса! Вчера Христос из мертвых воздвиг Лазаря: а днесь Сам на смерть грядет. Вчера другому, яко жизнь, живот даровал; но нынe Жизнодавец на смерть шествует. Вчера Лазаревы пелены разрeшил; а нынe Сам пеленами связан быти добровольно приходит. Вчера из тьмы извел человeка: а нынe Сам в темнотe и сeни смертнeй идет для человeка положен быть. Вчера прежде шести дней Пасхи тридневный четверодневнаго, чрез возвращение пяти чувств двум сестрам единаго брата даровал: а нынe Сам на смерть грядет.

Но Марии мертвеца четверодневнаго: а церкви Самаго Себя тридневнаго Христос дарует. Там Вифания едина удивляется: а здeсь вся церковь празднует, празднует праздников праздники: имeя посреди себя самаго Царя безплотных, яко Жениха вкупe и Царя. Празднует праздники: празднует праздники, яко маслина плодовита в дому Божии, не теряя листвия осeняющаго. Яко весенняя райская лилeя: в ней бо есть виноград, глаголющий: аз есмь лоза истинная (Иоан. гл. 15, ст. 1). В ней есть предвeчный, от корене Иессеева произрасшая вeтвь, не обработанно и не оранно, человeческим сeянием. В ней не Фисон, Геон, Тигр и Евфрат: но Матфей, Марка, Лука и Иоанн, рай церкви Христовой напояющие.

     Почему всe мы днесь новыя маслины, яко маслина плодовитая, маслины держá, милостиваго Христа умоляем: насаждени в дому Господни: во дворeх Его (Псал. 91, ст. 14), яко весною процвeтая, да празднуем праздник, видя, яко зима закона уступает. Празднуй Христова церковь, не образовательно, не тeлесно, но духовно ликуя. Празднуй праздники, видя идолов опровержение, а получив церквей возстановление. С Павлом бо днесь вопию тебe, священным и великим гласом: древняя мимоидоша: се быша вся нова (2 Кор. гл. 5, ст. 17). Бог Господь, и явися нам.

Таковым образом совершилось Владыки на жребяти в Сион шествие. Общее согласие: лики отцев: соборы Праведных: духи Пророков: отроки Еврейские: дeти матерей: множество Ангелов: иные крылья разширяли: другие ваия носили: иные препровождали: иные вeтви отсeкали: иные их соплетали: другие жребя отвязывали: иные ризы постилали: иные двери отворяли: другие дороги чистили: иные жребя убирали: иные побeду проповeдывали: другие сучья кидали. Иные младенцам говорили: хвалите отроцы Господа (Псал. 112, ст. 1): дeти же отвeщали: осанна! благословен грядый во имя Господне.

О новыя и чрезвычайныя дeла и чудеса сего праздника! Отроки о Христe, яко о Богe, богословствуют: а священники Его хулят. Сосущие покланяются: а учители нечествуют. Отроки, осанна, глаголют: а Евреи, распни, вопиют. Тe с ваиями ко Христу приходят; а сии с мечами: тe вeтви сeкут; а сии древо креста готовят. Отроки ризы Христу постилают: а священники ризы Христовы раздeляют. Младенцы на жребя Христа возносят: а старцы на крестe Христа вeшают: отроки ногам Христовым кланяются: а тe ноги Христовы гвоздьми прибивают. Отроки Христу хвалу приносят: а сии оцет подносят: отроки Христу честь: а сии желчь. Отроки ваия сострясают: а сии мечь обнажают. Отроки Христа на жребяти воспeвают: а сии сeдящаго на жребяти продают.

Позна вол стяжавшаго Его в яслeх рожденнаго (Исаии гл. 1, ст. 3), и новый народ язычников покорился Господу своему: но един Израиль не познал Христа Бога своего. Племенà прежде иноплеменныя, Боголюбезными учинилися; и беззаконные стали законными: а законные беззаконными.

Пусть, что ты Иудей, Пророков не уважил, священников побил, писания развратил, закон разрушил, праведных разсeк, Моисея отвергся, сынов заклал в жертву, закон осквернил, Бога преслушал, Христу не увeровал, Богознамения оскорбил, о Лазарe не увeрился, слeпым не повeрил прозрeвшим; но что уже о отроках сих скажешь? Что о пeсни сосущих заключишь? Кто, скажи мнe, сих просвeтил? Кто научил? Или кто возбудил? Кто умудрил? Кто внезапу неискусным в словe дал слово? Ежели не Христос, предвeчное слово?

     Нынe юноши, отроки, вкупe же и младенцы, единою рукою сосец держат и гласом пeснь Ангельскую воспeвают: а другою рукою Христу ваия сострясают. Неискусная в словe природа, творится Богословствующею. Внезапу Пророческое слово Богу безплотных, пeснь, яко дар приносят, вкупe же и вопиют: осанна в вышних! Благословен грядый во имя Господне: Бог Господь и явися нам (Марк. гл. 11, ст. 9).

     Но уже я по благодарности, и празднуя, осмeлюсь вопросить сих священных отроков: что говорите вы? о отроки Божественные, отроки воспeватели! откуду вам единодушие сие, дабы Херувимскую пeснь взывать? Каким образом вы на жребяти Христа, видя человeколeпно, осанна в вышних, вопиете Боголeпно? Так, отвeчают нам Боговитийственные отроки: хотя Христос сeдит на жребяти чувственном, но Он и от нeдр отеческих никак не разлучается. И на жребяти осли сeдит: но и престол Херувимский не оставляет: Он Сам и на земли с плотию не разлучен от смертных; также и на небеси со Отцем Бог неложный, и истинный, Сам Вседержитель, и Миродержитель, и Народодержитель, и истинный Бог, и Чиноначальник, и Насадитель, и Путеводитель, и Спаситель всeх. Сей в нижний Иерусалим входит, и от Вышняго не разлучается. Сей Творец вeков, и от вeков, и во вeки. Сей разпростер небо Един. Сей, иже ходит по морю, яко по землe. Сей повил море мглою. Сей положил ограду человeкам. Сей море горами ограничил. Сей составив землю, на ничем повeсил. Сей стихий сложения всемудро разтворил. Сей пригожество растeний украсил. Сей небо яко ризу разпростер. Сей его свeтлыми свeтилами украсил. Сего страшатся Херувимы, и трепещут Серафимы, Сего поет солнце, Сего славит луна, Сего воспeвают звeзды, Сему работают источники, Сего страшатся бездны, Сего боятся преисподняя, Сему повинуются киты, Сего трепещут драконы, Сему служат дожди, к Нему благоговeют вeтры, Сей уставил природы, Сей поставил твари, Сей разположил порядки, Сей вышних и нижних Творец, Бог Господь наш, и Ему слава и держава во вeки вeков. Аминь.

       Говорено в Троицкой Лаврe.